Գեղեցիկ քթի գաղտնիքները

Հաճախ կարելի է հանդիպել գեղեցկադեմ հայ երիտասարդների, ովքեր, չնայած նուրբ դիմագծերին, արտաքինին ու անթերի կառուցվածքին, ունեն հայկական գենին բնորոշ, դեպի վար իջած, արտահայտված արծվաքիթ :

Ինչ անել գեղեցիկ արտաքինն ամբողջական, անթերիդարձնելու համար:

«Կախ» քթի հետ կապված խնդիրները լուծելու համար այսօր բժշկության մեջ առաջարկվում են բազմաթիվ վիրահատական և ոչ վիրահատական մեթոդներ: Ըստ որում, վերջին տարիներին ավելի արդիական են դառնում ոչ վիրահատական նոր մեթոդները, որոնք անվնաս են, ժամանակային առումով ավելի արդյունավետ: Ընդամենը 10 րոպե տևող միջամտությամբ ստացվում է սպասված արդյունքը` առանց հետագա վերականգնողական բուժման անհրաժեշտության: Այս մեթոդն առավել արդյունավետ է փոքր կոսմետիկ խնդիրները շտկելու, քթին առավել գեղեցիկ տեսք տալու համար:

Քթի կառուցվածքի շտկման ոչ վիրահատական միջոցներից է սինթետիկ կալցիումի հիդրոքսիլապատիտի ներարկումը, որը ներծծվելով շրջակա հյուսվածքում` ձևավորում է կայուն իմպլանտ: Կենսահամընկնող անվնաս այդ նյութը օգտագործվում է վերակառուցողական վիրաբուժության մեջ` դեմքի ամբողջական կառուցվածքն ու դիմագծերը վերականգնելու համար: Երկարաժամկետ կայունության շնորհիվ այն գործնական մեծ կիրառություն է ստացել: Իհարկե, այս դեպքում շատ կարևոր է նաև բժշկի փորձառությունը, ով իր վրա է վերցնում կոսմետիկ միջամտության այդ լուրջ և պատասխանատու գործը: 

Չնայած իմպլանտը նախատեսված է երկարաժամկետ օգտագործման համար, այնուամենայնիվ, վերջնականապես պարզված չէ, թե որքան է այն պահպանվում: Ըստ որոշ գիտական հետազոտությունների` դրա պահպանման ժամկետը 9-24 ամիս է:

Այսպիսով, եթե ունեք քթի կառուցվածքային խնդիրներ, այլևս պետք չէ բարդույթավորվել, այլ հարկավոր է գտնել նման ոչ վիրահատական միջամտություններ կատարող մասնագետ-բժշկի:

Հարցեր, պատասխաններ, մեկնաբանություններ